El comerciu minorista estudia la convocatoria de fuelga pol conveniu colectivu  

Los sindicatos afirmaron que les negociaciones tán paralizaes dafechu

Los sindicatos UXT, CCOO, USO y Fetico anunciaron esti vienres que nun refuguen la posibilidá de convocatoria de fuelga, una de les opciones que va estudiar l'asamblea convocada pa esti domingu, que va decidir sobre la negociación del conveniu colectivu de minoristes d'alimentación n'Asturies qu'afecta a más de 11.000 trabayadores.

Nuna rueda de prensa celebrada na sede de la organización uxestita, los sindicatos afirmaron que les negociaciones tán paralizaes dafechu pol “abilsu" esistente ente les condiciones que propón la patronal y les reivindicaciones de los trabayadores.

Na asamblea, prevista pal domingu en Llugones, los trabayadores van afitar les acciones a tomar ante un conveniu colectivu qu'en cuatro de los sos niveles profesionales coincide col salariu mínimu interprofesional y "cuasi nun hai diferencia" ente categoríes con estremaes responsabilidaes.